ГТРК "Чувашия": Чӑваш Енре вырӑнти самоуправлени органӗсен депутачӗсен суйлавӗ пуҫланчӗ
Опубликовано: 8 сентября 2023
Вӑл виҫӗ куна пырать. Кӑҫал пирӗн республикӑра пӗрремӗш хут сасӑлава электронлӑ майпа та хутшӑнма пулать. Ҫак ҫӑмӑллӑхпа усӑ курас текенсен авӑн уйӑхӗн 4-мӗшчен патшалӑх пулӑшу ӗҫӗсен порталӗнче заявлени хӑвармалла пулнӑ. Пурӗ суйлавҫӑсен 16 проценчӗ ҫӗнӗлле сасӑлама килӗшнӗ.
Суйлава мӗнле хатӗрленнине республикӑри обществӑлла сӑнав штабӗн канашлӑвӗнче сӳтсе яврӗҫ. Чӑваш Енре сасӑлава 17 пин ҫын хутшӑнмалла. Суйлав 9 муниципалитетри 34 участокра иртет. Ларура палӑртнӑ тӑрӑх, пӗлтерӗшлӗ тапхӑра тивӗҫлӗ хатӗрленнӗ, йывӑрлӑхсем пулмалла мар.
Суйлава мӗнле хатӗрленнине республикӑри обществӑлла сӑнав штабӗн канашлӑвӗнче сӳтсе яврӗҫ. Чӑваш Енре сасӑлава 17 пин ҫын хутшӑнмалла. Суйлав 9 муниципалитетри 34 участокра иртет. Ларура палӑртнӑ тӑрӑх, пӗлтерӗшлӗ тапхӑра тивӗҫлӗ хатӗрленнӗ, йывӑрлӑхсем пулмалла мар.
Сасӑлав пыракан виҫӗ кун тӑршшӗпех суйлав участокӗсенче обществӑлла сӑнавҫӑсем ӗҫлӗҫ. Кашни округра ку енӗпе яваплӑ ҫынна ҫирӗплетнӗ. Ҫавӑн пекех вӗсене тӗрлӗ экспертран тӑракан ушкӑнсем пулӑшӗҫ. Обществӑлла хастарсем электронлӑ майпа иртекен сасӑлава та пысӑк тимлӗх уйӑрӗҫ. Ларура суйлав чӑрмавсӑр тата кӑлтӑксӑр иртсе кайтӑр тесе хӑрушсӑрлӑх йӗркисене туллин пӑхӑнмаллине палӑртрӗҫ.